رد: موضوع للنقاش اتمنى من الجميع المشاركه والرد عليه
اشكرك صاحب على الموضوع
كلامك حقيقة سبقوني الأخوة وتكلموا واسمحلي اضيف لهم واقول
ترى اتوقع المشاكل خارج المنزل ما تترك الأب بهذه الدرجة من القسوة مع عياله زي ما يصبر مع الناس يصبر بعياله اقول لك شي .....الابن قالب يشكله الأب بتصرفاته إذا كان مع غير اطفاله مزوح ليش ما يكون مع ابنائه يعني بهذا الأسلوب البشوش المزوح يصرف ما يملك من حب ومشاعر صادقه لهم الأبن حتى كلمة (غبي) او غيرها رسائل سلبية يتبرمج عليها الأبن من صغره يمكن ما يحس لكن تشكل عقده لا يحس فيها إلا إذا كبر كثير من الطلاب تجد سلوك ابوه ينعكس عليه في المدرسة هروب من المدرسة المشاكل مع الطلاب مشكلجي يعني الأبن يهرب من كبت وقسوة في البيت مو معقول ينكبت بالمدرسة حتى المشاكل مع الطلاب طاقه مشحونه من البيت فرغها في اقرب طالب يحارشه هذي التربية اللي تطلع رجال هذي تطلع منحرفين يكفيك ان نسب كبيرة من انحراف الشباب كانت من السلوك القاسي والخشن من الأب.... الأب يبي يطلع ولد ناضج لكن طلع شاب منحرف حتى وصلت الولد صار مثل البنت الله يكفينا يبحث عن من يعوضه عن الحب اللي افتقده في بيت ابوه صراحة واعذروني على هالكلام لكن ذي حقيقة
الزوجة ليش الطلاق والمشاكل وش سببها اكبر سبب التعامل القاسي من الرجل يبي يقول انا رجال ويثبت نفسه بقلة عقله
البنت مثلا سبب رائيسي لأنحرافها ماتواجهه في البيت اب خشن قاسي يعاملها على انها ناقصة دون في كل شي تتوقع وش راح تطلع
وين التربية اللي يزعم بعض الأباء هناك اولاد وبنات كان سبب دمارهم التربية اللي يدعي الاب انها تربية انا اشوفها تنكيل والبيت معتقل ويننا عن مدرسة محمد -صلى الله عليه وسلم- مدرسة التربية والأخلاق اللي مو بس في اهل بيته بل مع الناس كانت مثال اعظم..... لنا لو نعمل بها
ما ابي اطول اترك المجال لكم
|