الى خادم البيتين حامي حمى الاسلام = تحياتنا يا قمة المجد نهديها
اقوله وعن ربعي رجال الحجر انا خدام= نجدد لك البيعة في اسمى معانيها
وكل القبايل عندهم عزة واقدام = قصيدة وفاء كل بصوته يغنيها
نهب في خشوم اعداك واعداء البلاد خزام= ونخرص لهم مثل البهايم باذانيها
ونرفع لك التأييد يالقايد الملهام = مواقف بطوله وانت يا الفهد راعيها
وعبدالله وسلطان ونعم ولوف انعام = حماة البلاد وضد منه يعاديها
حزام الظهر لا قام كل يريد حزام = ولا تنعدم الافكار من عند راعيها
ملوك عيال ملوك وكرام ابناء كرام = تقصون كف المعتدي قبل يبديها
بجيش لهم قوة عقيدة وله صمصام = يدوس الافاعي كلها في مخابيها
وانا اقول ذا الليلة وانا قلتها قدام = وبا قولها بكره وما دمت بأطريها
عسى الله يخليكم لنا يا افضل الحكام = تقيمون شرع الله في ارض نزل فيها
وشعب وفي ما فيه خاين ولا نمام = ودعوة ملكنا كل ابونا نلبيها
علينا من الله عهد من ظامنا ينظام = وحفرة حفرها لازم انه يقع فيها