عار ماتفعلـه يابـوش بالزعمـاء والمسلمـيـن=
عار ماتفعله من مـات الأبطـال بالشعـب العراقـي=
عار ماتفعلـه ماالجـرم والظلـم وأنـواع العـذاب=
عجباً كيف خليت الـدول كلهـا فـي قبضـة إيـدك=
مثـل الألعـاب لادمـرت لـك لعـبـة غيرتـهـا=
حسبك أرعبتنا ماعاد يطـرى مـن الحكـام غيـرك=
حتى توني بلير أرخصت قـدره بعـد عشـرة عمـر=
وشنقت الذي كان العجم يرجفـوا لاسمعـوا إسمـه=
صدق من قال راعي الشـر ياجيـه منهـو شرمنـه=
بعد ضحيت في صدام في عيدنا في عيـد الأضحـى=
من هو اللي نويت إنه بعد عـام بيصيـر أضحيـه=
ياعلوج البشر وش ودكم فـي البسيطـه تاصلونـه=
ودكـم لـو نغيـر وجـه تاريخـنـا وإسلامـنـا=
والعرب لو يموت أكبر طواغيـت الأرض وينتهبهـا=
النياحة وصرخـات الحـزن صـار مـن عاداتهـم=
وينكم يوم موتان المشايـخ ومـوت أهـل العقيـدة=
من رثاهم ومن نادى بسحـق النصـارى واليهـود=
وينكم من ضحايا الحرب وأتباعها في الشرق الأوسط=
وألا صـار الهـدف نخلـق قضـيـة ونتسلابـهـا=
بوش قصده يجس لنبض غيـرة قلـوب ضامريـة=
مـادرى إن الضمايـر ميتـه والعـزايـم ميـتـه=