بسم الله ابدا واقول الشعر بلساني= واسطـّـره بالورق من صافي النية
اكتبه للي بقلبي ما لها ثاني= ابياتْ شعر ٍ على الاشواق مبنية
واغـنـّـي الشعر وانوّع من الحاني= واللي قرا الشعر تظهر له خوافيّه
ترى السعاده – وربي - مالها اثمان ِ= بالذات لو جات بعد احزان ٍ وكيّة
يا بنت لك في الهوى والحب سلطان ِ=لك امرْ ... لك نهيْ ... لك سلطة حقيقية
انتي حكمتي بداخل قلبي اوطان ِ= انتي ملكتي بحور ٍ بين جنبـَـيّـه
عز الله ان الولا لك طول الازمان ِ= اجدّد العهد لك في كل حولية
واظل في حبك انتي دوم متفاني= وارهن على الدرب لعيونك خطاويّه
يكفيني انك بوقت القحط بستاني= ويكفيني ان المشاعر داخلك حية
ويكفيني اني معك مانيب وحداني= وانك من الله لي نعمة إلهية !!!