لـبـيـكــم اللهم لــبــيــك لــبــيــك=لبيـك جينـا لـك فـرادات وافــواج
لبيك جينـا فـي مشاعـرك نرجيـك=متلبسيـن ثيـاب الاحــرام حـجـاج
حنا تركنـا كـل شـي والطمـع فيـك=تغفر خطايا عبـد لرضـاك محتـاج
عبدٍ ما يهنى النوم حتى ويرضيك=علّه يصير العفو من نارك سيـاج
عبـدٍ رفـع كفـه يـنـادي ويدعـيـك=عبدٍ خذا ذكرك على دربـه سـراج
بالمـدح والتسبيـح يـارب يطريـك=لسانـه بذكـرك علـى طـول هـداج
لا سلهمـت عينـه تـلـزم يناجـيـك=يارب يا رحمـن نرجـوك الافـراج
عن عبدك اللي كـل مـا زل ياتيـك=يطلبك عفوك ملتبس ذل واحـراج
حجيت لك يا رب..يا رب خاشيـك=قلبـي يلبـي والدمـع ســال ثـجـاج
قلبٍ سجـد فـوق المحانـي يناديـك=يا الله تجعل ضافي العفو لـي تـاج
واقبل يا ربـي حجنـا بيـن اياديـك=خالص لوجه الله مبـرور الانهـاج