انـا وحـبـر الـطـابـعـة وضـعـنا شـين= نسكب بعـفـــوية وعـالبيض ناقــع
نلـقى قلـيل احيان ..ناس ٍ مروفين =واحـيان كـثره.... يشـبعـونا مواجع
وابشع عذابٍ صابني من حبيبين= روحـي وروحٍ حـالـفـه مـاتـراجـع
عن غاية اقدا من الشوف بالعين =فيها خـشوع المعتـكف بالجوامع
كنت احسب انّا (واحدٍ) يسكن اثنين = حتى لمحت اكـفوف حـبــك تـوادع
نواظري في قعر ذيك الفناجين= اللي بها لقصى المـواجــع نـواجع
واثر امنا حوى سهت عالشياطين= ولافـاد ابـونا ادم لـخـده صـــوافــع
انتِ ونـبض الشعر وانـا غريـبـين= عن حبنا اللي يكتسي لـــون فـاقع
في طلـة الالفـية العـام الالفيـن= مخـضرم ٍ عـايش بـقرنيـن سـاجـع
ترح وفرح لو تاخـذي بس حرفين =فـي مـطلـعيـهن والبقيـة شــوافـع
يالغاليه لو تسألين الشـرايـين= عـن نبـضها عـن دمها عـالفـواجع
كان استمتي لجل عتق المساجين= اللـي تحـت حــدان جـورك تـنـازع
وقلتي الـ بياضٍ ساكنٍ بطن هالعين =لـولـى سـواد فيـــك مـاكنـت نـافـع
ولو هي دموعك صادقه قبل عامين.= كان استحى وابيّض لون البراقع