بين حر الرياض وبين نار الـفــــراق= أحترق ضامري والرجل عيت تســــير
والمقاصد بسيطه لكن الصدر ضــاق= وأصبح آخر مساري عسر ما به يسـير
ما حصل بين مطلوب النوايا وفــــاق= مطلبي ما يوافق منكرين الـعـشــــــــير
وأنا صبري تعدى كل حده وفـــــــاق= فاق حتى مدار الكوكب الـمـســـــــتـدير
لي صفاتٍ حميده ما غشاها الـنـفــاق= ما تعودت أنافق وأتحدأ الـمـصـــــــــير
والله اللي خلقني بين جملة رفــــــاق= فيه مندوب شــّر وفيه مـنـدوب خـــــير
والله اللي كتب لي أنتهي بإحـتــراق= بعد ما كنت ســالي في روابي عـســـير
كان بيني وبين الزين شــبه إتـفــاق= مـا نـشــدّ الـرّحـال ولا نـبـدل بـغــــــير
لكن الوقت جار وصار فيه إفتـراق= فرقتنا الحظوظ وصار همي كــبـــــــير
كل ما جيت أنا وأنساه طيفه يسـاق= يعترضني وسط نومي وعبر الأثــــــير
والمسافه بعيده والزمن ما يـطــاق= والـلـيـالـي تـخـوف كل قـلـبٍ كـســـــير