ياناس يا اللي تشوفون الولع فيني=يامن يجيب الخبر من عند ( . . . )
ليه انقطع صوتها ليه اسهرت عيني=اثر الفرح في هواها كان عاريّة
والله ما انساك يابنت تجافيني=والله ما انساك طول العمر يا بنية
والله لاحفظ غلاك ولاتشوفيني=الا على الحب ما اغيّر به النية
والله لاحيا وطيفك لي مخاويني=والله لاموت لك ولا اطلب الديّة
انا عشقتك وانا حبك يخليني=اوفى عباد الله ولو زادت الكية
انا رسمتك على ذرات تكويني=انا كتبتك على المشراق والفيّة
خليني احيا ولو ضاعت عناويني=خليني احيا مادام الروح بك حية
خليني ارتاح بك في باقي سنيني=واعيش ذكراك مادام الغلا فـيّـه
خليني ادوّنك باغلى دووايني=خليني اسمّي الديوان ( . . . )