منتديات بني عمرو - عرض مشاركة واحدة

10-29-2006, 02:01 AM

اللي يتزوج وعنده عذر قوي جداً .. هذي نقطة مانتكلم عليها أبدا

لكن اللي يتزوج واحدة ثانية لأنه " طفشان من وجهها " أو لأنه عينه فارغة ومايملاها إلا التراب ..
فمثل ما يحرق قلب زوجته الله يسخرله اللي يحرق قلبه في كل شي عزيز وغالي عليه

:
المراهق العاقل ياأخي الله يكثر من أمثالك وياليت الكل مراهقين بس يفكرون كذا
إياك لما تصير ناضج تتغير مثلهم

وفي رأيي إن الرجال اللي يقدر يوفق بين 4 حريم رجال منااااااااااااااااااااافق وكذاب

والحرمة العاقلة اللي عندها كرامة ماترضى تعيش مع ربع رجال لأنه مافيه خير

وكمان الزوج من 4 مش سنة مثل ماذكر الأخ / بيت القصيد !!

سبحان الله تتركون كل شي في السنة وتمسكون هذي ماشالله عليكم !!

اقتباس:

المشاركة الأصلية كتبت بواسطة بيت القصيد

الله يفشل الي ما يتزوج اربع .

وانت صادق .. الله يفشل اللي يتزوج أربعة وإذا انت ناوي تتزوج أربعة وانت توك مملّك وتو صفحة التبريكات مابردت يصير الله يعين بنت الناس هذي أكيد أمها داعية عليها !!

والمتزوج اللي يسافر برا لأنه طفشان من وجه زوجته ماراح يملا عيونه الفارغة واحدة ثانية بيتزوجها
ولا ثالثة ولا رابعة وبيتم العمر كله عيونه مايملاها شي إلا التراب إن شاء الله

اللي يتزوج أربعة إنسان مزواج ومافيه خير
والشرهة ماراح تكون عليه لا
على الأربعة اللي أخذهم : الثانية اللي سارقته من زوجته والثالثة الخبلة اللي رضيت تاخذ واحد معاه ثنتين والرابعة المتخلفة اللي بايعه عمرها !

وقال ايش تزوج الثانية وامتنع عن الذنوب !!!!!!!

أنا ما أقول غير الله يعين المسكينة اللي تاخذ واحد تحسب إنه رجال
بمرور الوقت يصير ربع رجال لما يشاركها فيه 3 حريم غيرها !!

أما الأخ / أمير الغلا ..

فنعم الرسول صلى الله عليه وسلم لديه العديد من الزوجات ولكن زواجه منهن لم يكن بغرض إنه " طفشان " من أحدى زواجاته صلوات الله عليه وسلامه كما ذكر الأخ السابق !

لا تُقحموا السُنة في هذا الموضوع رجاءً ..

الرجال الآن ليسوا كالرسول صلى الله عليه وسلم ولا الزمان الآن كزمانه صلى الله عليه وسلم

ولا نحنُ كنساء الرسول صلى الله عليه وسلم

فلماذا المقارنة وضرب أمثلة من زمن الرسول صلى الله عليهِ وسلم ... ؟؟

:

ياجماعة ..

أرجوكم لا تتحدثوا هكذا عن موضوع التعدد بهذهِ السهولة وأنهُ أمر يجب أن يكون في حسبان المرأة قبل الرجل !! ..

واللهِ لو كنتم تعلمون النار التي تُوقد في صدر امرأة تزوج عليها زوجها ..
لو شعرتم والله لن تطيقوا حتى ربع هذه النار ..

أنتم ترون الموضوع من وجهة نظر رجولية فقط ..

طفشان ____> بدل ما أناظر الحرام وأسافر _______> أتزوج واحدة ثانية وثالثة ورابعة ...

عندكم الموضوع كذا سهل .. عادي ..

لكن نحنُ .. النساء نراها هكذا ..

طفشانة عمري من وجهه ___________> إخلااااااااااص له وخلاص مافيه واحد ثاني .. زوجي يعني زوجي !

المرأة تتذكر زوجها وكل لحظاته معها ..
لا تنساها أبداً ..

بعد أن تفني نفسها في خدمته وفي محاولة اسعاده وتلبية كل رغباته .. يتركها ..
بعد أن تنجب لهُ الأولاد .. يتركها ..

ولا تقولوا أنهُ لن يتركها وأنهُ سيعدل .. !! لا لن يستطيع العدل بينهن أبداً حتى لو حاول لن يستطيع ..

وستشعر الزوجة الأولى بالذل لأنها من وجهة نظرها ناقصة في عينيه ولم تكفيه .. ولذلك بحثَ عن أخرى ,,

هكذا ستفكر ..

كيف يمكن أن يذهب لأخرى ويفعل نفس ماكان يفعلهُ معها ..

من يتزوج من امرأة أخرى كأنهُ يقول لزوجتهُ الأول ..

هناك قصور فيكي ... " جنّبي على جنب " ... وتجي الثانية محلها

أنا ما أقول إن الموضوع حرام ..

هو حلال .. لكن اتقوا الله في النساء

واللي زوجته مافيها شي ويروح يتزوج واحدة ثانية عليها لمجرد التغيير ...

ربي يسلط عليه اللي يكسر عين بنته .أو واحدة من أخواته

فكروا في أخواتكم .... ترضوها لأخواتكم ...؟؟

ترضوا لواحدة من أخواتكم زوجها يتزوج عليها ثانية وثالثة ورابعة ...؟؟؟

ترضوها على بنياتكم ...؟؟ أو حتى الشباب .. ممكن يرضوها على أمهاتهم ؟؟؟

ترضوا إن آبائكم يتزوجوا على أمهاتكم ثانية وثالثة ورابعة ؟؟

إذا انتوا راضينها على أهلكم يصير ارضوها على بنات الناس زوجاتكم ..

اتقوا الله وخافوا الله في النساء ..

والرجال اللي يتزوج أكثر من واحدة وبدون عذر ..

كذاب .. ومنافق .. مو أكثر !