قلنا الفهد ذيبان ومربي صقور=صقور ماتقبل من الذل شاره
قلت الفهد. لا جيت باتيك مسرور=آتيك لرموز الشرف والطهارة
أولادك الغالين والطيب مخبور=وذكرهم صافح النجم ومداره
لاتحزن اليوم في دربك زهور=عزك نجوم السما في جواره
بات الغلا طبعه وبالخير مذكور=دايم عزيز النفس ويعز جاره
يا عمنا بالله. والأب مجبور=يسمع عياله لاشكوا وسط داره
ضاق الصدر وحالي اليوم مقهور=فرقا خوي الدرب سم ومراره
سبحان ربي خالق الخلق والنور=وشلون ابنسى صحبته واعتذاره
واطلبك ياعمي ترى الرد مقدور=يرجع لنا غالي وانا بانتظاره
هذي حياتي مابها عود وبخور=ابكي حياة الحزن ويا المراره