يالغايب الحاضر عن العين وش..فيك = من بعد ذاك الغيم شحت..مزونك
الله لو تسمع خفوق(ن)..يناديك = متمسك(ن) بالعهد لك ما..يخونك
أعطاك عمره ما حسب ويش..يعطيك = مخلص ويخلص لك بروحه..يصونك
وأن كان له قصد(ن) يرومه فلا..أخفيك = أنه يطيب بنظرة(ن) في..جفونك
ويذوب في بسمة رضاك أو..تغليك = وغرور سهم(ن) سلهمت به..عيونك
ويحب ذكر اسمك ودارك..وأراضيك = ما ضيه لك وإلي بقى به..طعونك
ويحب عذاله على حكيهم..فيك = من كثر شوقه ظنهم..يمدحونك
واغلاك وأغلى كل ما بك وما..فيك = حب الميز ويحب حتى..جنونك
وأن كان دمعه والسهر ما..كفيك = والعمر محسوب عليه..بدونك
وش عاد غير الموت قلي وأنا..ارضيك = وأكثر من إللي قلت لا... يخدعونك