|
لا للفراق
تحياتى لك الوفاء على ماسطرت يداك من اهاااااااااات مااقول الا يارب تجمع قلوب المحبين وحبيت اشارك معك وياليتك تقبليها وهى بعنوان
(لا ....للفراق!!)
إيه والله يا دنيتي مصير الحي يتلاقى
شفت منيتي صار لها مده وانا مشتاق
من بعد ما المسافة فرقتنا وعن حلم السنين أبعدتنا
حسبي الله على الظروف اللي أذبحتنا
شفت خيالها من بعيد
كل ما قربت نبض قلبي يزيد
لين تأكدت قلت اليوم عيد
نادتني باسمي
أرتجف جسمي
أتخطف لوني ورسمي
قامت عيني بنورها تسمي
يا دموعي جفّي ويا ساعات خفّي
ودي أحضن قلبها قبل لا يحط كفها بكفّي
حطت عينها بعيني و شافت دمووع سنيني تصرخ من شوقي وحنيني
حطيت عيني بعينها وشفت دمووع سنينها تصرخ من شوقها وحنينها
بنظره وحده قلنا كل الكلام عن الشوق والغرام
بلمسة وحده ذوبنا بهيام تذكرنا أحلى الأيام
هي كلمتين طلعت من شفاتها
إنه روحها رجعت لحياتها
حسيت أنا وقتها كل حروفي ضيعتها
والدنيا كلها ملكتها
حبيبتي
بقربك زانت أيامي وسنيني
حبيبتي
بحبك تكفين صبحيني ومسيني
يكفي سهرت ليالي اسأل عليك
ما حن زماني وجابني إليك
وربي اشتقت لكل شئ فيك
لا يا عمري لا تقول ولا كلمة يكفي صدق احساسك
يكفيني اني بحضنك لميني و غطيني بأنفاسك
وأنا بدوري بكون لك الليل وقمره
بكون لك دفا النار وجمره
بكون لك طرب فنان وسمره
بكون معاك في الحلوة والمره
روحي و عمري
خلينا نكتب بحبر التحدي اتفاق
كلمة نكتبها باحتراق
لا وألف مليون لا
للفــــــراق
سيفووووه
;tr5s4) ;tr5s4)
|