المشاركة الأصلية كتبت بواسطة العبيدي

تبي أخضع لأجل عينك وأنا مخضع ومهمـا كـان .. ..............أقـص الـراس قـدامـك ولاأخـضـع لأمثـالـك

لعبت بحسبة جروحي وكتبت أمن الحزن عنـوان .. ..........(نسيت اللي يحبك موت وصـار الغيـر يحلالـك)

إذا غيري تبي قربه وصـرت فـبحـره الغرقـان .. ...............نصيحـه لايمـوت الحـب ومـن قلبـي هنيالـك

نسيت أنك تبيع الحب وتجـزا الطيـب بالنكـران .. .............لعلمـك بانـت الصـوره وبانـت نيـة أفعـالـك

(تشب النار) في قلبي وتنسى أنـي معـك أنسـان .. ....تخالط بالشقـى (هيلـك) وصـب الهـم (فنجالـك)

بعد ماأنقلبت الدنيا تجينـي محتـرق!! ولهـان!! . .. .....تقـول أرجـوك سامحنـي وقلبـي بداخلـه شالـك

تبي قربي؟ أنا حاضر.. ولكن !! بطلبك من شان؟؟ .. ...تشوف شلون لـي عـزه تـرد الجـرح لأشكالك

أبي تبكي على شاني .. أبي تصرخ من الحرمـان .. .. .. لوأنـي بآآآخـر الدنيـا.. أبيـك تجـر مـوالـك

أبيك تصير مجنوني ومـن شافـك يجـي شفقـان .. .. ...يقول شلـون؟ علمنـي؟ وشلـي غيّـر أحوالـك

ترى (هتلر) بعد مجـده تخلـوا عنّـه (الألمـان) .. .. .. .. ...وأنا مـن بعـد حبـي لـك تركتـك تقعـد لحالـك

لأجد مااعبر عنه تجاه هذه الابيات فهذا النهج هو مااستمتع بقراءته
في انتظار جديدك يافيصل,,,,,,,,,,اشكرك
اخوك العبيدي