اعرفك يازمن هذي مضاريـب الطعـون وسـاع = طعنت الروح واحلام الغـرام ومهجـة اشعـاري
تصيح الناس من سطوة جروحك والجروح انواع.؟ = ولك جرحك اللي في ضميـري مالـه مبـاري.!
ليا مني بغيت اوصـف خفايـا لوعـة الاوجـاع = عليها قبـل تعبيـري سبقنـي دمعـي الجـاري
عجيبة ياخدودي مانبت فـي ساحلـك مربـاع.!! = تحبيـن السيـول ولا تقطـع سيلـك الـجـاري
سيولك مع بحر حزني تلاطـم والهـوى خـداع.؟ = واغوص وغبة امواج الغـرام تضيـع السـاري
سفينة حبنا قادهـا خفوقـي والضلـوع شـراع = تتوه ولا تحدد فـي مسيـرة طـول مشـواري.!
اهيم وتسرح ضنوني الى ماضـي ربيـع ضـاع = وترد عيونهـا تبكـي بقايـا غصنـه العـاري.؟
حبيبي رعشة حروفـك تعيشنـي ألـم وصـراع = اذا جيت اعتذرلك من خيالي تهـرب اعـذاري.!
قوية يالظـروف اللـي قليلـك يخلـف الرمـاع = وانا تلعب همومـك كلهـا فـي ساحـة افكـاري
دفنت الحب في روحي غرستـه داخـل الاضـلاع = ولكن غصنه اللي شق جلدي يفضح اسـراري.؟؟