أهديكم هذه القصيدة بمناسبة اليوم الوطني للمملكة

مع أجمل تحياتي


( فوق المائة عام)

يا الله يا منشـي كثيـف السحايـب =يا مـا لك دورات الأيـام والكـون
بك منك لك ما عنك فالكون غايـب =والخلق في رجـواك يارب يدعـون
تهـدي لساني يا عظيـم الوهايـب =أمـدح رجـال ٍ للمدايـح يحقـون
ناس ٍ لهـم في قمة المـدح شايـب =عود ٍ صدوق ٍ صادق الوعد مصيون
عبد العزيز المجد سـوى العجايـب =حي ٍ وميـت مدحنـا فيه مرهـون
فـوق المائـة عـام ٍ وحنا حبايـب =ذكرى ٍ لها في صافي الحب مضمون
صار الوطن عم ٍ وخـال ونسايـب =والتم شمل ٍ صاحبـه صار مدفـون
وأن كان مات وصار تحت الترايـب =فدعوا له الرحمـه ومولاه مامـون
والي جبرنـا عقـب موتـه سبايـب =خلـف رجـال ٍ للمعـالي يعلـون
أشبـال ليـث ٍ ما تهاب الحرايـب =برواحهـم دون الوطـن ما يذلون
بو متعب إلي فالظروف الصعايـب =تلين لـه صعبـات الأيـام بالهـون
له مجلـس ٍ بالجـود ناره شبايـب =شيخ ٍ كريـم ٍ وافي العهـد مامـون
ريف الضعيف ولا حسب للحسايـب =يا كم مسح دمعات من جاه محـزون
يسلم عسى يسلم عطيب الضرايـب =حبه سـرى بدمـاي شعب ٍ يحبـون
شيـخ ٍ عطـى قلبـه لدينه وهايـب =والمسلمين إلي من الحرب يشكـون
وسلطان عنـده وقفـت لي ركايـب =وفيّ عهـد ٍ والي العهد ويمون
كفـه جمـع جنـه ونـار لهايـب =للخير خير وصاحب الشر مطعـون
بعيـدة أهـل الرأي عنـده قرايـب =من قبل صدقانـه معاديـه يـدرون
حبه ملكنـا هـو عريـب النسايـب =الشعـب كلـه في سجايـاه مفتـون
قـوة دفاع المجـد وأعظـم كتايـب =تعتـز به لـن أسمهـا فيه مقـرون
وذكرى الوطن من يوم لبس العصايب =وصهلة خيول ورغي نوق ٍ يحنـون
اليـن عصـر العولمـه والتعايب =والكمبيوتر والفضاء والتليفون
نتذكـرك يـا دار فـوق السحايـب =ونجعل هقاوي من تهقـوى بنا دون
وحنـا جنـود الله وقـت الطلايـب =بأمر الملوك وصاحب الشر مطعون
نخلف ضنون القوم عنـد الغلايـب =نقـدم بذكـر الله وأبليـس ملعـون
والخاتمـه صلـوا عـداد الهبايـب =علـى نبـي الله سيـد هل الكـون

أبو أحمد