ابا الوقت بأيام النحوس يطيع&&&وانا منه من صرف الزمان وجيع

جرالي من اسباب الليالي وجورها&&& جرح بخفاق الضمير شنيع

على غالي ماشافت العين مثله&&&مصافيه يوم ان القلوب جميع

واليوم خلاني تقافت ضعونهم&&& متى ظعون خلاني عليَ تريع

ابرجي اللاما ولو طال وقتها&&& متى حيهم لمَى يجون نجيع

يا عين بأسم الله كفي من البكا&&&لك من رجوع الضاعنين شفيع

الى نهيت العين عن ذرف دمعها&&&يكب دمع المقلتين سريع

يجيبها قلبي على حر وجدها&&& الكل منهن بالغرام صريع

ان كادت همومي وهاجت ضمايري&&&تذكرت من هو للرفيق وديع

ابشكي من اسباب الهوى حر ماجرى&&&ابشكي على حذق الفوادمنيع

تجرعت عبراتي على فقد من غدا&&&وتوضت من عقب الحرير وشيع

الدار من عقبه محا الهجر وسمها&&&بها البوم بالصوت الرفيع يذيع