رد: أناشد كل سحليه تزحف على وجه الارض ان تدخل
ولد السراه
تصدق دخلت الموضوع علشان اطبق في زمارة رأبتك زي مايقولون في الافلام ( ليه تقول سحالي )
بس لما قريت طلبك رحمتك وتخيلتك في رمضان تقول بتموت من العطش والجوع والا كل شي مثل ماتركته في الفجر
المطبخ حوووسه والغرفه ملخبطه ووو اي شي
المهم حبيت افزع لك واقوللك كيف تسوي فطور رمضاني بسيط وسهل وكمان لزيييييييييييييزز
الشربه
وبالتفصيل الممل
المقادير
1- بصله صغيره
2- فص ثوم
2- طماطم
1- دجاجه
6 ملاعق شربة كويكر وفي السوق الان نوعيات مختلفه لها نفس الطعم مثل العلالي
4كاسات ماء مغلي
بهارات غير مطحونه (شيبه (عشب رصاصي اللون يعطي نكهة حلوه للشربه ) 00عود قرفه حبتين قرنفل --3حبات هيل -قطعة خولنجان (يشبه الجنزبيل ولونه بني ) ورقة غار )
ملعقة صغيره كمون وفلفل اسود مطحون
ملعقتين زيت
الطريقه
حط الزيت في القدر
وتضيف عليه البصل المقطع
وبعدها الثوم المقطع برضه
وتقلبهم الين يبدا لونه يتغير
تضيف الدجاج (طبعا مقطع ومغسول )
وتقلبهم مع بعض حتى يتغير لون الدجاج
تضيف الطماطم المقطعه الى مكعبات صغيره
وتقلبهم الين تذبل الطماطم
حط البهارات كلها
قلبهم كمان شويه
اخر شي تضيف المويه الحاره وتغطي القدر لمدة ربع ساعه الى 20 دقيقه على نار متوسطه وتأكد ان المويه مغطيه الدجاج
اذا كانت ناقصه شويه زيد كاسة مويه
في قدر ثاني
حط الشربه الكويكر ومعاها شوية مويه بارده وذوبه زين
بعدين تصفي المرق فوق الشربه
وتزيد عليه الملح
وتخليها على النار مع التحريك المستمر لمدة عشر دقايق
ولا تنسى تحط الدجاجه في الفرن تتحمر او (خلها لها استعمالات اخرى )
لا تنسى لتحسين المذاق تضيف الليمون وشوية فلفل اسود ترشه على الوجه
وبس هذا نوع من الشربه
نوع ثاني صحي ومغذي ولذيذ برضه
كوسه -جزر-بطاطس-فلفل رومي-
حبتين من كل نوع
شوية فاصوليا وشوية بزاليا
بصل
طماطم
شوية كزبره خضرا
ثوم
وبهارات
تقطع البصل وتقلبه في الزيت
تضيف الثوم
وبعدها الطماطم وتتركها الين تذبل
تضيف الخضار وتغمرها بالمويه وتخليها الين تستوي الخضار وتقدر تعرف انها استوت بهرس الخضار بالملعقه
تحط البهارات في علبة البهارات الصغيره اذا كانت متوفره واذا ما عندك تحطها في قطعة شاش نظبفه وتلفها زين
وتحطها في المرق مع الشربه
اذا استوت نخليها تبرد شويه
وبعدها تطحنها في الخلاط
وتصفيها
وترجعها للقدر تغلي
وتشيل الرغوه اللي تظهر على السطح
ترش على الوجه شوية كزبره خضرا
ممكن تحمص توست مقطع وتحطه مع الشربه والليمون كمان
البهارات موجوده عند المحامص زي محمصة الرفاعي مثلا موجوده في كل سوبر ماركت (تقول له بهارات شربه ولا تكون مطحونه لان المطحونه تغير لون الشربه)
وصحتين
واذا اعجبتك الطريقه قول وانا اعطيك وصفت ثانيه 0
وبس خلاص!
|