منتديات بني عمرو - عرض مشاركة واحدة

#1 08-27-2006, 04:30 AM


	هذي القصيدهـ اعجبتني .. وحبيت أحطها لكم .. .. . لعنبو قصة غرام كل أبوها كلمتين .. إبتدينا عند (( أحبكـ )) وانتهينا عند (( باي )) . . تونا ما مشينا فالهوى خطوتين .. وانتهى الموضوع كله حتى ماعرف وش خطاي . . انتهى الموضوع بكل سهوله تحكمين .. وين احبك ! وين اريدك ! وين ساكن في حشاي! . . يمكن انك ماوفيتي يوم جيتي تعشقين .. ويمكن تحسبيني بتبعك من دون راي . . ويمكن أصلا ما عشقتي بس كنتي تلعبين .. ويمكن انك ماوصلتي في هواك لمستواي . . ويمكن اني ماعرفتك فالحقيقه وش تبين .. ويمكن اني خنت نفسي يوم اعطيتك وفاي . . علميني فالهوى ياجاهله وشتعرفين .. تعرفين انك صرتي شي يجري في دماي . . علميني فالعطا والتضحيه وش تفهمين .. لعنبو حيك عشانك عفت اقرب أقرباي . . كنت أحطك في عيوني تسرحين وتمرحين .. كنت أشيل هموم قلبك وارمي همومي وراي . . كنت اطير من السعاده يوم اشوفك تضحكين .. كنت ذايب في هواك مثل سكر وسط ماي . . كنت نايم بالعسل وارسم من الفرحه سنين .. كنت اظنك قلب عاشق ماسكن وسطه سواي . . ماوعيت الا وانتي في خفوقي تطعنين .. ماوعيت إلا وسيفك بالحشا (( رايح وجاي )) . . وردهـ إي والله وردهـ بس عرفتي تجرحين .. كل شي فيني جريح إلا فخامة كبريااي . . ماتأثرت بغيابك وش يعني دمعتين .. بكره انسى ! صدقيني وأرجع بكامل قواي . . أدري ان حنا افترقنا بس بفهم حاجتين .. علميني وش كسبتي وعلميني وش خطاي . . أصلاالموضوع كله ماتعدى كلمتين .. التقينا عند (( أحبكـ )) وافترقناعند(( باي ))] ..

وسلامكتم ..,