ddfrad") ddfrad")

أيني عيدك يا بو عبد الله

الله من دويس يودّته أنت وذولا في المنتدى ذيه

خلف قال ذا مذاسمه والله أني نسيت مدري مذا ما يسمونه

خلف كتب بلهجة بوه ويدّه (المحليّة )فأيكم تعصفون به عبا النيدية تي أقبلت بالغابر في الصيفية

وأيك تذكر العلم ذيه واللاته أنه غشيني همِّ من علمكم بادي العلم غير إنكم تيمّلتوا وهبتوها على سنع

ويه ما كان قصده غير أو يروي بعلم في راسه وبيض الله ويهه راعي روايا

وأن كنت واكلف عليك يابو عبد الله ودّي تبخس في ذا ما تسمونه الإرشيف

وتايي بالعلم ذا ما حاكيتكم عنه قبيل ولا دلّنا علىالرابط عسا الله يربطك بواحدة عندها قروش




الله لا يلفاك إلاّ على كثيرة الشحم يا شيخنا عمر بن سكوت

وعسا الله يدلّك واللاّته إن ودي إن صالح مدير المنتدى الله يوفقه يهب لنا قسم للروايا تيه وينصبك مشرف عليه

وإن كان ودّه يهب لنا زنقةِ في المنتدى يسميها ( المنداه ) فأينا عدنا ياذين بالبشت الوبر للشتاء والعماه

وأينا وثرنا بالمنداه عندكم والاّ ثبتناها على الخط العام ونتفطن في الصادر والوارد

ذا أو يدلّي تهامة نودعه والوارد ناخذ علومة

بالله عليك يا شيخ إنك تبلغ سلامي لخوك الشيخ الكبير

فواللاّته إنه بلغني إنه نابه سخونة والاّ حواليها

وإني كان ودي أسلّم عليه ونيدد به عهد غير معي رفقة وأيني عودِ من حزمة

فبي عنه وبي عن قلبه

وخارج من الشر والله يهب بها من خطاياه

أكثر عفاك
والله يغفر لشيبانك

هذا علمي وعفاك

ddfrad") ddfrad")
ddfrad")