رد: سؤال ضروري يحتاج الأجابة عليه
ابو ريما يشرفني المشاركة بموضوعك الرائع.
مدري وش اقول بالضبط بس اتوقع زمان احسن حياة فاضله من جد
لما اسمع حكاويهم وكيف قلوبهم على بعض وين قلوبنا اليوم مااتوقع
احد حاس بجاره والا قريبه .
جدتي تحكينا تقول زمان حاجه بس الي عند اخوك عندك تقول اذا مات احد من القبيله
مافيه احد يشب نار والا ضوء مشاركه في الحزن طبعا من دون اي اعتقاد.
قمت الروعه والاحساس
اليوم حتى لما يموت احد ونروح نعزي أروح وانا حزينه حشىكأني رايحه عرس ضحك وسواليف وين السكينه؟؟؟ وين الخوف من المووت ؟؟؟ وين المواساة لاهل الميت؟؟؟
هذي الصراحه مجتمعنا صار كذاا الا من رحم الله
الي معه يجل ويحترم والا وضعه صعب مااتوقع يلاقي احد يسنده..
هذي وجهة النظر الموجوده لدي كل مناي واملي نجلس مع انفسنا بصدق ونخلي قلوبنا توسع كل احبابنا وكل اصحابنا وكل اخوانا المسلمين.....
ادري طولت عليكم .....؟؟
بس شي كنت الوم امي فيه بس الان لما وعيت وكبرت احس بكل الفخر ان امي تتصرف ها التصرف..لما يجي احد محتاج عندنا تعطيه الاشياء الي لو احنا مكانها مانعطيها
كنا نزعل نقول احنا احسن من الناس وليه تعطيهم تضحك وتقول الله كريم يخلف بالخير..
لانها على طباع الاوليين وفطرتهم
اسفه جدا على الإطاله بس القلب هو المتحدث .
|