يارب وش هــا الجنون اللي سكن دمي
000خـلاص مافيه طاري غير طاريها
ماهي مثـل ضحكة إعيالي وغلا أمي
000هي غاليـة بس مدري ويــش أسميها
مـرات كني طفـل أقـول ياعمي
000يـلعن أبـو السـاعة اللي شفتها فـيها
وهناك أجـلس وأغـطي راسي بكمي
000وأقــول لـو ما تجافينـــي بجافيها
وان شـفـتها أذكر الرحمن وأسـمي
000وأصفي الـنـية اللي كـنت نـاويها
هاالآدمية أضيع إن شـفـتها يمي
000وأتـوه في كلمتي وأفـقد معانـيها
لو صرخة في حـشايـة توصل لفمي
000لا زعج بهـا الأرض واللي سـاكـن فيــها
هاتي همومك وحطيها على هـــمي
000هي خاربه خاربه خليني أعميها