الحياة اللعينه=
الوفا ضاع من هذي الحياة اللعينه =
بين وجه الخيانه وبين وجه الخداع =
ضاع صدق المشاعر والعلوم الثمينه =
ضاعت التضحيه حتى الأمل حيل ضاع =
ما بقى الا وحوش ماليتها الضغينه=
كل يوم لها وجه وتلبس قناع =
القوافل تهاجر عن بيوت المدينه=
من ضجيج الشوارع والبكا والصراع=
والوجيه العبوسه بالملامح حزينه =
في تجاعيدها وشم الألم والنزاع=
البحر ثارت أرياحه وموجه رنينه=
خائن (ن) يابحر ياكم غدرت بشجاع=
وين درب المواني ما أستدل السفينه =
في عتام الضباب اللي نصوبه شراع=
والثريا تنادي للقمر ضاع وينه؟=
خلف سود الغيوم اللي لها ماأستطاع=
والبوادي تنادي يا بقايا السكينه =
أهجعي في ظلام الليل غاب الشعاع=
والذئابه عواها من حمسها غبينه =
ف الخلا تقلق الراعي وطفل(ن) رضاع =
ما بقى الا حياة(ن) بالمنظار لعينه=
أسمها الفانيه مهما يطول الخداع=