باسم ربي بديت القاف والشعر الأجزل= والمعاني فرايد والمقاصد مهيله
والقصيد انتشي له لاانفجر ثمْ تزلزل= عقب ماهو مكبّل انطلق في صهيله
مثل أدهم يقوده فارسٍ ضحكته قتل= فارس القوم منوة بنت شيخ القبيله
هاض معنى ومبنى من خفوقي ومرسل= للقريحه ومنهالابن صاحب تحيله
ثم جاني تخطّى كل ضيفٍ مبجّل= قال جيتك كما من أنهك الدين حيله
ياهلا مرحباً بالقاف ياخير من حل= عندنا يامراحب كالمطر في هميله
والقصايد تزين ويصبح الشعرأجمل= لاذكرت الجنوب وكل نسمه عليله
في جبال السراة هناك أهلٍ ومنزل= ديرتي ياهوى قلبي فراته ونيله
تحت حكم السّعود اللّي بنا قاموا العدل= مملكتنا شموخ الدين فيها نخيله
عبدالله الشيخ فيناراعي العقدوالحل= شيخنا من نَسِل عثمان راعي الجميله
أعشقك يابني عمروٍ ومثلي ما يعْذَل= من هواللي يعذّل من عشق له حليله
ديرة العزّ انتي والشرف بك تسربل= فيك ربعي عراب الجد أزدٍ أصيله
لابتي كل من رحّب وهلّى وسهّل= مقدم الضيف عنده مكسبه والحصيله
أخضر الأرض يبري من فؤاده تعلل= والنسيم الجنوبي وصفته مستحيله
يطربك في هبوبه لا كناري وبلبل= والحمام المطوّق جاوبه في هديله
والجبال الشّوامخ راسيه ماتحوّل= من تدبّر تذكّر خلق ربّه يهيله
والضباب ان تشابك مثل بابٍ مقفّل= وانعزل كل واحد منسجم معْ قبيله
بين سهلٍ ومرعى بين وادي إلى تل= ينشرح خاطري من كل همٍّ يشيله
مهرجان الطبيعه في دياري تمثّل= والمطر مع بروقه في نهاره و ليله
منظرٍ يجعل العين الشقيّه تكحّل=كحل لونه فرح دمع الشقاوي يزيله
ربِّ جنب بلادي كل طاغي ومحتل= رد كيده لنحره لا تشافي غليله
وختم قولي صلاتي للنّبي المكمَّل= البشير النذير اللي صفاته نبيله