]سلام والشوق هز القلب وأوتاره = سلام مثل المطر بأول تباشيره
سلام والكل له قدره ومقداره =وأجمل بيوت القصايد لأجل تقديره
الشاعر اللي يوافق شعره أفكاره= الناس تكسب من اشعاره وتفكيره
والضيف كل يبي يسأل عن اخباره= وكل يفسر علومه حسب تفسره
الضيف قرر وبيده حرر أقراره = وأرفق جميع الوثايق ضمن تقريره
الضيف له سيرة تشهد لمشواره= واحد وعشرين عام طيب السيره
الحر لاضاق صدره يهجر أوكاره = ويسابق الريح من ديره الى ديره
الحر يبني على روس القمم داره= مايسكن القاع لو يسكن بها غيره
هذي حياة البشر والكون وأسراره= والكل يخضع لحكم الله وتدبيره