الله على الوقت كيف يكشّـر أنيـــــــابه = ويفرّق الناس ما أحدٍ نال مـطـلـــــــــــوبه
هذا كلامٍ صحيح وعندي أســــــبـابه = أسباب طافت على قلبي ومحســــــوبه
من صابته من الخلائق شقق ثيـــــــــــابه = وأصبح طريقه صَعَب والروح مسـلـوبه
واللي ســــــــــلبني لقيته قافلٍ بـــــــــــابه = نـســى الـمــودّه وحـُبـّي فـيـه يــا دوبه
سافر على قولة القائل مع أصحـــــــابه =واللي لقي صـاحـبـه مـا فـاد مـحـبـــوبه
أول وأنـا عـايـش في مــزح ودعــــــــابه =ومن يوم جاني الخبر والنفس معطـــــوبه
يـقـولـون محبوب قلبي جهّـز ركــــــــابه =وأصبح نصيبه مع غيري ومـكـتــــــــــوبه
فالله يسهّل عليه الوقت وحـســــــــابه = وعسـاه ما يلتقي له ناس مـغـضـــــــــــوبه
وإن كان غصبٍ عليه أصبح في كتـابه =فالصّبر طيّب ويا كم نفس مـغـصــــــــوبه
اللي مـن الله لــــزوم الـعـبـد يـــرضى به =لـزوم نـرضى لـو إن الـنـار مـشـــــــــــبـوبه
وأنا معي قلب ما يـغفـل عـن أحبـــــابه =واللي أحبـه أضحي لأجل مـنـــــــــدوبه
هـذا نــصـيـبي وهــذا مــا طـلـعـنـــا به =من حُب عذراء جميله مير مـخـطـــــوبه