ان كان تبغى الصدق ياراس مالي=ماعاد لي عن ضم صدرك قناعة
صورتك عيت لاتفارق خيالي=قدام عيني كل لحظة وساعة
من دون شوفك الزمن ماصفالي=حبك طبع في قلب راجي طباعة
حبك تعدى في علّوه جبالِ=وراجي شرى حبك ولايوم باعه
ليتك على مر الثواني قبالي=انا اشهد ان هذي لعيني طماعة
وشهو الغرام ان كان مابه وصالِ=والى متى والقلب يشكي التياعه
واللي باقوله في نهاية مقالي=قولٍ على المحبوب مني سماعه
والله مايكفيني الا امتثالي=مابين صدر اللي احب وذراعه