ياللي تقولين يالسااري وش أخبارك = وأنتي سبب ضيقتي وأسباب حسراتي
أنا سجين القهر يانعل أبو دارك = جافاني النوم وأسهر معظم أوقاتي
ياما ذبحني السهر كله على شانك= أيام كنت أحسبك مني ومن ذاتي
ويوم ( اجتياز الرساله) جيتك أبارك= قصدي أهنيك وأنقل لك تحياتي
والله وجرتني الخطوه الى بابك = وأحترت مابين روحاتي وجياتي
قررت أزف التهاني عبر جوالك= وأشكي لك الحال وأشرح لك معاناتي
قفلتي أبوابك وصلك دون خلانك= وأعلنتي الصمت وأغتلتي طموحاتي
اليوم ماهمني صدّك وهجرانك = أقدر بدونك أحدد بعد نظراتــــي