المشاركة الأصلية كتبت بواسطة حسن آل مسفر

يعطيك الف عافيه يالغراني على هذا النقل المميز

واسمح لي بهذه المداخله البسيطه

وبالنسبة للاخوان اللي يحبون تركي الفين فهم اكيد من عشاق المواويل لا الشعر والمعنى لان المعروف عن تركي الميزاني انه لا يجيد شعر المعنى واكثر شئ يجيده هو المواويل وكثيراً ماوقع في احرجات بسبب هذا الشئ ولكن وش نقول في واحد وجهه مغسول بمرق ويكفي ان الشاعر الكبير حبيب العازمي في احدى حفلات مطير احرج تركي قدام ربعه عندما قام تركي بانشاء موال كالعادة وكان الموال قد تغنت به احدى المطربات الخليجيات فقال له حبيب غير الموال ياتركي لانني ما اتبع مواويل الحريم

وبالنسبة لقصة الشاعر الكبير فلاح القرقاح مع تركي اولا الشاعر فلاح القرقاح شاعر كبير وغني عن التعريف والقصه هي كما اوردها اخي سيف العرب ويكفي هذه الكلمات كي تبين مدى اللبس الحاصل في الموضوع

اترك العتبان في حفلهم والشـك زايـل
وان دعيت دروع جنبي يسوون الهوايل
والله ان أنطل شماغي لهم والراس طايل
ولعوهـا نـار والنـار مـن شبابهـا

وجميعنا نعلم المقصود بدروع الجنوب واللي هم الاخوان وابناء العم والاقارب وابناء القبيله ونطلة الشماغ كانت لابناء عمومته وليست لعتيبه كما يظن البعض

وبالنسبة لاخوي بيت القصيد فياليت يتسع صدره لما سوف ياتي بعد قليل



بيت القصيد انت وين عايش بالله ؟؟

انت ما قد سمعت بالمداخيل ولا ماقد شفت عندنا في الديره الرجال وهو يرمي عقاله وشماغه عند رجول رجال ثاني ويقول له هذا مدخلي عندك يافلان

ولا انت كيف تدخل على الرجاجيل بالله ؟؟
ترمي لهم النظاره عشان مايتوصخ الشماغ ؟؟

وبالنسبة لشغلة المره فهي عادة عند بعض القبايل التي كانت في حالة حروب وهي ماترمي اللي على راسها ولكنها تكشف عن كامل وجهها وراسها ويبقى خمارها على كتفها ولا يرمى في الارض (( وترا طاش ماطاش مايعرفون العوايد زين الا انهم في هذه النقطه بالذات كانوا متميزين ))

واذا كنت بتقول لي قصة الحرمه اللي رمت عصابتها لبني عمرو ايام حرب الترك فهذي قصة فريدة من نوعها وماسواها الا بنت شيوخ واخت شيوخ وسوت هالشئ تقليد للرجال من باب المدخال عليهم

اتمنى ان اكون وفقت في التوضيح

مودتي للجميع