بن عزيز يقول بين الناس خيره والرجال اصناف
اسمحولي يانشامى ودي آوصف لكـم صنفينـا
بينهم فرق(ن) في التوصيف وعلامـات فارقـه
صنف تعدي به وتبدي به وراعي منزله ومكانه
في شموخ البرج الأعلي ما تحول بـه مكاينـه
يوقف الرجال وقفات النمور وفطنت الصقـور
معدنه طيب وساسه طيب(ن) مابقدر امحاءطيبه
اذا لم يهرج بخير في غيابك مـا هـرج بشـر
اما ذاك الصنف الاخر من دراويـش المهيبلـه
بعضهم يعطيك معسول الكلام وتقتنع في قولـه
تنخدع وتقول هذا الرجل ماهو فـي العشايـري
يبتسم ولاكن داخل نيته مثـل الظـلام الحالـك
يهتدر مثل الجمل ويروغ مثل الثعلـب المكـار
كل ما يلقـاك يضحـك لـك بنيبانـه ونوذجـه
ثم يحلف لك ثلاثه ايمان مانضحك لك الا محبه
وانـا سوينـا العزيمـه والذبيحـه ذابحينـهـا
ثـم إذا غـادرت يقـول للنـاس فيـه او فيـه
يبتليك بشىء ماهو فيك من باب الحسد والغيبـه
الحذر ثم الحذر من كل مداح(ن) وضاح كـون
ذاك لايجمل ولا يزعل ولا يخجـل ولايعنالـه
لو يكون اقرب قريب الناس ولا مـن صحابنـا
والله انـا نعتـذر عـن صحبتـه وانـا نبيعـه