السلام عليكم ورحمة الله وبركاته
قصيــــدة للشاعر خلف بن هـــذال العتيبي
أخذت من روحـي لروحـي نصايـح=ثـلاث يـرضـن النـفـوس الضيـاقـي
جمـع الحـطـب ومعلـقـات الذبـايـح=وحـذف النشامـا للغتـر والطـواقـي
بقفـرٍ خـلا عشبـه بـالأزهـار فـايـح=غصن الخزامـا لـه بالآخـر مراقـي
تلقـى أم سالـم بــه تـجـر النـوايـح=يطيـب مـع طـيـر الربـيـع التـلاقـي
بيـن أربعـة جـدران مانيـب طـايـح=قطـع الخرايـم جبّـرت عظـم ساقـي
في نون عينـي بـارق الوسـم لايـح=كـن السحـاب تسـل فيهـا السنـاقـي
إن عــوّدوا غــب المـطـر للـفـلايـح=مـانـيــب فــــلاحٍ يــعــدّل ســواقــي
عـــوّدت لـلــي يكـسـبـن الـمـدايــح=فيـهـن طــرب قلـبـي ولــذة مـذاقـي
سـود البـكـار المكـرمـات المنـايـح=هاذي ضوت خلفة والأخرى ملاقي
ملـحـاً تبـاهـت بالصمـيـل يتـمـايـح=تركي علـى كبـد الحسـود العراقـي
خلونـي أقضـي باقـي العمـر سايـح=مــادام للـعـمـر الـمـطـرّف بـواقــي
أمشي تحت غـر المـزون الروايـح=هــذا هــواي ورغبـتـي واشتيـاقـي
يـرتـاح بـالـي يــوم أودّه وأصـايـح=وأبسـط فراشـي فـي مبـارك نياقـي
أنحاش عن ناسٍ تسوي الفضايـح=عاشت بسوء أخلاق كـذب ونفاقـي
نــاسٍ تـســرّد للمـشـاكـل شـرايــح=تثيـر مـن بيـن الأخــوان الشقـاقـي
كـل الحيـاة أحــلام والعـمـر رايــح= طرقي بهـا الدنيـا وغيـري طراقـي
تقبلوا أطيب التحايـــــــا