اركضي يا قصايد واهجي اللي هويته=من عطيته حياتي وأرخص اللي عطاه
يا قصيده رثاهم اكتبي ما نويت=إرثي من عزهم قلبي وهو ذله هواه
أشهد انهم ذيابه وغدروا وانعميت=طعنوني بطعنة وقفت بي الحياة
ما أشبع اللي عملته كنت نجم وهويت=أنت ربي حسيبك وما يدوم الطغاة
يا حسافه.. حسافه ليتني ما عطيت=ليتني ما كتبت أبيات أوصف له غلاه
كنت أحسب أن السكوت أخلاق لكن ما دريت=كنت أحسبنه وفي صادق في عطاه
ظالم من عرفتك يا كثر ما طغيت =منك مليت كذبك يفتخر في رداه
طاح منك القناع منك أنا اكتفيت=طابت النفس منك ياليل النزاه
دايم الحظ أقوى يوم أنا ابتليت=خانني يا ناس... آه خانني يا أقساه
مع رفيقة حياتي آخر اللي هقيت =ليه يا ظالمني ليه... ليه تقتل فتاه
حطتك بالعيون قلبها صار بيت=آه واعزتي له ما عطيته وجاه
رح توكل وانسى إنني بالكويت=لا تتذكر وانسى اسمي وكل آه
ولا أنا هذا قلبي حي ما هو بميت=لا تخليت عني ما تجف المياه
با قيه وبشموخي شامخة ما حييت=هذا من فضل ربي وصيت أبوي ورضاه
وأنت خلك لناسك واحتري لا بغيت =في (( ديار الخيانة )) بك تثور الحياه