قصائـد قُدمت في المقابلـــه
ونعدكم بالمزيــــد بإذن الله في مشاركات قادمـه

اذا لفانا ضيفنا قلت حيــّه=وانشر على فاله عصام القصايـد
فرح وشوق وانشراح ونيــّه=مشاعر تغنـي من أحل الوسايـد
يقدع بيوت ويتقهوى رويـــّه=من شاذليات القوافي وقايــد
نعمر بها دلال من الأريحيّـه=تركي على جمر من الشوق زايـد
والنجر موالي يناجي دويـــّه=هموم من يسمعه راحت بدايـد
في داخله يطحن مشاعر خويــّه=يكرم بها ضيف لفا الحي رايـد
هيل الشعر وقرنفل الشاعريــّه=وزعفران بالفناجيل قايـــــــد
تخالطت بالحب والمقدريــّــــه=رمز الوفاء من طيبين العوايـــد
فوح البهار يسّكر القهوجيــّه=من نشو الصباب كنه مزايــــــد
فــوز وفرحـ يوم للضيف جيــّه=فيها ارتجال للشعور ونشايد
عادات معتاده مع أهل الحميــّه=من سابق الأيــام ماهي جدايـد
يا عاذلي في مشيتي البختريــّه=ربعي كرام ومالكيـن الفوايـد
وانا لو الله ثم ربعي الوفيـه=ما كان شعري في ذرا الطيب سايــد

خفف الجرح يا نجل العيون=واجرح القلب بس على مهل
اجرح القلب جعلك ما تهون= طعم جرحك كما طعم العسل
سهم عينك على قلبي يمون=انت فرحـي وجرحي والأمـل
أدري ان سهم عينك يا فتون= به نهايه حياتي والأجـل
مير سعدي بقربك يا حنــون=فيك نـور الزمــان المرتحل
من هـــواك أرتشف كأس المنون= موت ولاّحــيــاه ما تمل
اكسر الشك باحسان الظنون=دام حبك وعطفك ما اضمحل
رب قلب العنى ينسى الحزون=رب جرحـي يطيب ويندمـل
أعرفــــك لا تبـوق ولا تخــون=بس تاجيك نوبات الملل
والمحب الوفـي مهما يكون=صافــي الود مسعول النهـل
لا تخلــي العــــواذل يضحكون=وينتثـر على دربـــي الزلل

ليه الرجاوي تحذفني شمال ويمين=صدق النوايـا رمتني خيبة ظنونها
الصاحب اللي حسبته فزعتي والعوين=لقيته العثرة اللي مـــت من دونـهـا
كنت احسبه شمعتي في سكة التايهين=آثــاره الليله اللي عابـس لونها
يرضى لي الهينـه مرضــاه للهينين=وأتا لعينه جفون احمي وآقـي نونها
أجمـع له الطيب واحبه مع الطيبين=ويشوفني في الدرك ويقول يا هونها
أرفــع له الشارة البيضاء بسيف سنيـن=ويضم لي حذفة الغافــل بكرتونها
لاني مع الحي حي ولامع الميتين=روحـي دمرهـا وفاها بيد مامونها
ماهو صديق صدوق ولا في الدرب أمين=بيعة زمان عليه ضاع عربونها
صديقي اللي مع صعب النوايا يبين=ويفز لي فزه معروف واش لونها
من فرحتي به تلاشت ضحك الشامتين=وتهدمت قلعه الاحزان وحصونها
اضحك واغني طرب وأقـول للسامعين=بيوت شعرٍ حلاها سر مضمونها
ابو رجــال يغيرها مسار السنين=وابو سنيــن لوى لابطال عرجونها
وابو رجــال شيمها ما تعز الضنين=وابو الشيم لا اصبحت سلعه يبيعونها
يبيعها اللاش وابن اللاش والخايبين=ويفيدها سيد الطيبه ومامونها
وانا لــي الله دايـم بعونه نستعين=لا غازلتنا الهموم بزرقــة عيونها
نعمي نظرهـا بعزم وهمه الصابريـن=وان كنت ديــّانها لا اصير مديونها
انا لسود الليالـي فــارس المدلجيـن=وانا لزيـن الفضايــل حارس ضعونها
قلبـي من الصخر لو لآن الصخر ما يليـن=وآغآلــب ايام نحسي واقلـع سنونها
يا وقـــــــت لا تحسب زنـــــود النشاما تهين=من جــور حملتك مهما ان كان ما كونها
يا وقـــــت خسران برهانك ما دام الرهيـن=قلوبٍ الله غمرهــا وأكرم ردونها
بصبر أيـــوب والتقوى تزيـن وتزيـن=وإيمان نــوح وأمـل موسـى وذ النونها
وبشرع طـــــه الحبيب تعيـش دنيا وديــن=لو تنقلب لارض حـدر وينقشـع كونها
حنّا عــرب والعرب من صفوه العالميـن=لنا مباديء شيم ما اختل قانونها
الكفـو يشرب قــراح الـعـز ما يستكيـن=ويعانــــق المجد وآغانيـه ولحونها
يعيش مرفــوع راسٍ عاشـق الحسنيين=لا يكتب الله حياه الذل وفنونها
حنّا كذا طبعنا يا عٌرب يا مسلميـن=نموت يعني نموت ويرتفـع جونها
يا بنت الاجـواد لا شفتيني أطري الحنين=لقـــّيني الرمـح لين أطعم حلا طعونها
وأفــز من غفلتي وامشي مع الغانميـن=فـي ســكــّـه العز وأسكـن عالي ركونها
وان مـت قولــي فداا والعز شيٍ ثميــن=العز سلعـه ما كل الناس يشرونها
وارمي على باقــي السيره فـرح دمعتين=إن قيــل يا رحمه الله حــق مدفونها
عـيـبٍ يموت الفتى ما هوب عالـي الجبين= وأثــــمٍ على صاحبته تكثرّ حزونها

هذه القصيـــد القيت في حفل تكريم نائب قريـة العاسـرة / محمد بن عبدالرحمن بن سليمان العمري

بدينا بالذي من يبتدي به يرتفع له شـان=ومن ينساه يتردى وحظه ينقف بابه
إلهي وانت جاهـي بك تعوذنا من الشيطان=فوجهنا على النهج الذي ترضاه واسبابه
توكلنا عليك فلا تكلنا في يد الخذلان=وسدد راينا وارفــع نبانا باصدق الجابــه
وهبنا العون والتوفيــق يا ذا الفضل يا منان=وجنبنا الغرور ومغريات إبليـس وأنشابـه
وصلى الله وسلام عالنبي الهاشمي العدنان=شفيع الخلق يوم الحشر نتقطب في ثيابـه
فديتك يا رسول الله صفوة بني الإنسان=يا رمز الخير يا نور الهدى يا غرة حجابـه
سألت الله يهدينا بهديك ســرٍ وإعـــلان=ويلعن من اساء لشخصك المعصوم او سابـــه
خنازير وصهاينة الإباحيــّات والطغيان=عليهم لعنة الله والله اكبر حرب وحرا بــه
ومسلم ما انتقم للمصطفى في دينه النقصان=عقب وصلت إلى هالحد خاب الغرب وكلابــه
يقوله شاعر ينقى من عصام القصيـــد سمان=ولا عرّج على هـزل الكلام ولا تحكـى بـه
يا حيث الشعر فن وذوق حكمة محكمة سلطان=حن اللي ينصب اعلامـه اذا كثر التهجــّابــه
يسومونـه بشر لا فصـح لا بكـم ولا عجمان=بعذر يكمّل الرجّال شخصيته وآدابـــــه
حسافــة لا غدا شعر العرب تنعق بــه الغربان=تهذري به عوالـم لا من احسابه ولا انسابـه
اذا ما للشعر هــزة وفـــزة تنعش الوجدان = وتشبع رغبـة السامــع فسمــّـه سرد حطابـه
إذا ماهو بسيف وعلم وعـظ وفكرٍ وتبيان=اقدك لاستقالــه وأترك المنصب لطلابـه
وانا خــّدام ربعي في مناف الريع والديوان =ولابني عمرو ورجال الحجر وآقول واجابـه
بشعر يرفع السامـــــه ويرجح كفة الميزان=ويرضي الرب ويزعــل ابليـس ويخلف حسابـه
هلا يا مرحبا ترحيبة التقدير والسفطان=هلا يا مرحبا ترحيب نبــدا بـه ونسعـى بـــه
جــواهــر من زمـّرد من زبرجد كهرمان جمان=تنثر مع شعاع النور ثم تهل سكـّابــه
على فال الضيوف الطيبين الجبر والشيخان= لها بالنفـس وقـع وفي مشاف العين عجابـه
على ضيفة محمد في ضيافــة ربعه الظفران=كرام كرموه ويستحق إنــّا انتهنى بـه
مقدمنا ونايبنا يعيش منصب الأركــــــــــان=وحن جنبـه ومن حولــه ونــار الجود شبابـه
نكـّرم شيخنا ونشب نــار ونرفـع النيشان= وناقــف موقف من حبنا يفرح ويزهـى بـه
صحيح إنا انتزاعـل ثم نسعد لامــةٍ واخوان=نهيــج ونختلف وبساعـة المطلوب حبابـه
بلانـا كـل أبـــونـــا نعشق العليا وعشق جنان=وكلٍ وده يطول البنا وينصّب أجنابـه
فأنا أقــدم هدايـا من نصايـح غاليات أثمـان=بدافـع حب من قلب المحبـة والله أدرى بـه
يا مسلم سلّم أمرك للالـه وسالـه الغفران= وعـد اللي مضى واللي بقى واللي تهلـّى بـه
عليك بطاعـة المولـى وفعل الخير والإحسان=وهجر النفس عن ركب الهوى وعبورها عبابه
وتجعل قدرة الرحمن وأقداره في الحسبان= ومن ما مر في الدنيا مواعــظ تنبـه النابـه
وحســّب قايـل الايـام يا خسران يا كسبان =إذا ربـي بعث خلقـه وكلٍ سلّم كتابـه
نهار ما يفيد الغبـن ولآ ليت ولا لوكـان=قلم جــف وكتاب منظوي كلٍ وما جابـه
فيا كم فات ياكم مات مالأقـراب والخلا= وحن في غفلة الدنيا وفي الاعمال نتشابـه
كفى نجر الصدور الموغرات الحقد والاضغان= كفى جذب الحياء من كل وجـهٍ كان يزهـى بـه
يعقب اللي سنـح له فرصة ماهو لها سرحان=يعقب اللي يدوس الخير واخذ الشر باركابـه
ابو الرجال لا صبح ما يعرف الربح والخسران=وابو الرجال لا صبح بيعةٍ بيدين جلابـه
وابو الرجال لا ضيـع حقوق الجار والضيفان=وابو الرجال لا صار الردى حبل يتلوى بـه
وابو غمرٍ نشى متهملعٍ متكسر الجنحان=محى من راسـه النعرة ولبـس العيب جلبابـه
ويسلم كل غمرٍ لا نشى متولـع ولهان=بهامات الطموح وسلم الأمجاد يرقـــى بـــه
ويسلم من يقطب في يده للطيبات عنان= ومتعود على فعل الجميل ونوزة اصحابـــه
ويسلم من غدا للشور والعلم الشريـف لسان= يمشيها وهخي عوجاء ويعفينا من عتابـه
يعيش اللي تشوف الخير في وجه وفعله بان=حياته ما مشى في سكة بالشك مرتابـه
يعيش اللي اذا منك لفتيـه شــّرع البيبان= تسرك تشوفته ويبدد همومك بترحابـه
فلا كاذب ولا سارق ولا غادر ولا خــوان= وتلقى صفحته بيضاء وله تقدير ومهابـه
يا فرحي بابن عمي لا غدا يمناي في الميدان= على كسب المراجـل والفضايـل واتعزوابـه
ويا فرحي بربعي لا اقبلوا شيبٍ مع شبّان= فيالــق عــز للأمجاد والقالات كسابــّه
يا بن عمي يا ابن خويـه يا عرّاف العرب واعيان=إلى زيـن المكارم والمعالـي كونوا ذيابـه
اقولـه ماني احسنكم ولاني فلان او علاّن =ولكن دارت الفكرة براسي دورة الطابـه
وانا من بوي من عمي من خالـي طوال أيمان =توشحت المكارم بين حد السيف ونصابـه
خذوها واكتبوهـا شكلوهـــــــا لوحة والوان= رسمها بن ذياب على بساط الود لأحبابــــه