غركم مظهر جمال البرتقاله=ما عرفتوا وش حسبها من نسبها
الجهاله من يناظر هالجهاله=ما يميز وش محرم من رجبها
البنات الحور في نجد الاصاله =الحيــا والستر من ربي وهبها
الفخر بالدين مهو بالخماله=والنحاس نحاس يفرق عن ذهبها
حالة صرنا بها ماهي بحاله=العقايب لا تجينا من سببها
صارت اسرائيل تقتل بالعماله=الشجاعه من العرب منهو شجبها
والعراق اليوم وضعه ينرثـى له=سلط الله بوش دمرها ونهبها
يالله احفظ دارنا مهد الرساله=من امور تشعل الناس بحطبها