وصلتك وزدت هجرانك وفارقتك
وصلك همومي وبعدك كان لي خيره

خلاص شفت الحقيقه وانتهى وقتك
يا ضيف قلبي ويا أقسى مساييره

سكنت فيني وشديتك وعلقتك
وبنيت لك في معاليق الحشا ديره

ورفعت قدرك وعليتك وفرقتك
عن كل الأحباب والحب وتعابيره

وكبرت قلبك وحبيتك وشوقتك
بالعشق وطعم الوله وأصدق معاذيره

وأخلصت عاشق وحبيتك وطوقتك
وعلمتك الشوق والموعد وتأثيره

وقلبي بعد ما تربعته ورافقتك
كفيت شره ولا كفيت لك خيره

من شان قلبي وعمق الحب صدقت
وأكذب العقل والواقع وتصويره

أشوف سكرك لكن غبت ما ذقتك
ما ذقت غير العتاب ونبرة الغيره

لكني اليوم ضقت وكاني اشتقتلك
بزود الجرح جرح وأبقطع السيره

أبتركك وأترك دروبك ومنطقتك
وأجافي الهم والحزن ومشاويره

أكبر عيوبي يا قاسي يوم صادقتك
وأصغر مزاياي ابعادك عن الحيره

وهقتني فيك ولا في وهقتك
الذنب ذنبك وأنا وارد على بيره

ببقا على طيبي اللي فيه غرقتك
مدام لنسل شمران جماهيره

يا بايق الطيب غير الحب ما بقتك
واليوم ابعوض الخافق مخاسيره

مع السلامه و وقتي ما هو بوقتك
قربك خطا والخطا مليت تكريره

ضاع الوفا فيك لين اليوم ما طقتك
وكافي أعيش بهموم الشك والغيره

أدري تضايقت من قربي وضايقتك
لأني أكبر من احساسك وتفكيره

( وش عاد لا غبت عن عيني وفارقتك
بعض المفارق يكون لصاحبه خيره )

سأعيش بزورق الشعر مجدافه
وسأحيا به من المهد الى اللحد
سأكتبه وأقرأه تبعا لأسلافه
وأبحر به وصولا إلى المجد