جايز اكون انسان ضاع بين عشق ٍ واغتراب=
=ولا اكون انسان نادم عالليالي والسهر
يمكن اكون اللي تحلى بالصبر يومه تراب=
=وما حس فيه الصبر الا يوم في تالي العمر
او احتمال اني اكون اللي تمنى ثم خاب=
=ما كان يتمنى .. وهام يحّسب الساعه شهر
اعطيت للعقل المجال لكن عقلي فيه ذاب=
=احسب اني جبت علم مير ما عندي خبر
ماكني الا من توسد حرقت الوقت بذهاب=
=لا سلم من جور الزمان ولا سلم لفح الجمر
ياويل قلبي كيف انا اشرب ضيمة المخطي شراب=
=وياويل حالي لا نكويت واعود ادور اثر
يمكن اكون اللي بغى يقفل على ماضيه باب=
=ويمكن اكون اللي بغى يبقى مع الماضي دهر
جايز اكون اللي لقا باخر طموحاته سراب=
=وجايز اكون اللي خذا من باقي ايامه قهر