جاهل الاحساس ما فيك ذرة
ما فيك ربع من بعض الاحساس
ما شفت منك غير...هم ومضره
غشاش مثل اللي على الناس بلاس
جعلك تعيش الهم مليون مره
مثل العليل اللي مكاويه بالراس
عسى الفرح ما جاك ويا المسره
حتى تعرف الهم يا صادم الناس
وعسى حياتك بس حره بحره
تقضي بها باقي العمر دوم محتاس
وعسى الحزن يطويك حره وبره
لين القدر يرميك في نار الأفلاس
وعسى الهوى يضربك برده وحره
ويزرع بقلبك كل هم وهوجاس
وعسى نهايتك التعاسه تبره
مر وعلقم ينزع حشاك بالكاس