[/COLOR] [/c][poet font="Simplified Arabic,4,blue,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=" shadow(color=limegreen,direction=45)"]
مساء الخير هالمره بـلاش آسـف علـى التأخيـر
مـدام الـرد بعيونـك دمــوع فـكـل تأخـيـره

ثقل دم العـذر ، والا كسـح وجـه الخطـا تبريـر
مدامـك عارفـه طبعـي . أجـل وشولـه الحيـره

ترى ماجيت لجل اسمع سواليفـك عـن التقصيـر
أعرف ان الخطا منـي (بـلاش نعيـد هالسيـره)

انـا وانتـي بهالدنيـا تحملنـا بعضـنـا كثـيـر
تعوّدتي على عنـادي ، وصـرت آحـب هالغيـره

انا وانتي حكايتنا مثـل : صـدر السمـا والطيـر
كثيـر اللـي يطالعهـا ،، ولحـدٍ طالهـا غـيـره

انا وانتي حكايتنا .. مثـل لعبـه ، وطفـل صغيـر
مع انه دوم يهملهـا رفـض يسمـح بهـا لغيـره

انا وانتي .. وش اوصفلك ؟ عجز عن وصفنا تعبير
مثل ! مدري ! مثل وشهو ! ولكن صعـب تصويـره

انا وانتي بلاش انتـي أنـا لـو بفقـدك شيصيـر
مجـرد طـاري الفرقـا علـيه صعـب تأثيـره

أحبك ؟ ايه أحبـك .. ذي بعـد يبغالهـا تفكيـر
يخلـف الله علـى عقـلٍ ملكتـي كـل تفكـيـره

تعالي نحترم ( شيبة غلانا ) لعنبو التصوير
تعالـي نغتنـم فرصـة لقانـا دامهـا اقصـيـره

مساء اللي تبين ، انتي على كيفك ( صباح الخير )
أنا كـل يـوم أبتأخـر اذا فـي دمعتـك خيـره
[/poet]


تحياتي للكل
امل ان تنال اعجابكم

المسكت