قررت أشيلك من أفكاري ومن بالـي=رح لاتفكـر ولايطـري علـى بالـك
ياقلهم ناس من شـرواي وامثالـي=وياكثر هم ناس من شرواك وأمثالك
نادر وجودي واصلي معدنـه غالـي=اخاف غيظك يقـوم بيـوم يغتالـك
باعي طويل من اعمامي ومن خالـي=حسافـة ذاك عمـك والاذا خـالـك
ماتحجب الشمس عن عينك بغربـالِ=بهذلـت حالـك والايكثـر غربالـك
فتحت بيبـان حـب مالهـا اقفـالِ=واسمع لحبك صريخه من ورى اقفالك
ماني على فرقتك بأبكي على حالـي=بس انت من فرقتي تبكي على حالك
لارحت عني فكل الناس تبقـى لـي=لكن إذا رحت عنك وش بيبقـى لـك
لاغبت كل البشر تبكي وتنعـى لـي=ظن لـو مـت ماحـي بينعـى لـك
من حسن حظك تناظر سمح الاقبـالِ=ومن دون زولي فلاأحدٍٍ يوقف قبالـك
اول وحنـا سـوى ياقـل عـذالـي=ومن يـوم فارقتنـي ياكثـر عـذال
ياشين لاطـروا العـذال لـك فالـي=ودك بموتـي وفـال الله ولافـالـك
على متوني طلعت بنجمـك العالـي=ومن قبلهـا ماتعـدى ظلـك نعالـك
على يديني ربيت وصـرت متعالـي=ياشين حظ الذي بعـدي تعنـى لـك
لاياغـزال يطـوق عنقـه الـشـالِ=نسيت من هو على كفيه قـد شالـك
طرحت حبك على درب الشقا جالـي=كم يوم حاولت تاصل لي ولا جالـك
أدري بدمعك علـى الخديـن همـالِ=ضيعتني والسبب من كثـرة اهمالـك
شربت حتى رويت بعـذب منهالـي=واسقيتني المر من وردك ومنهالـك
انا صريـح وفعلـي يثبـت أقوالـي=دايم نقيض يخالـف فعلـك أقوالـك
لاعادتقل كيف يالمعذور وش مالـي=والا أقـل لـك بلامالـي بلامـالـك
قررت ازيحك من افكاري ومن بالـي=خلك فطيـن وخلينـي علـى بالـك