قصيدة لشاعر/معجب بن حمد
اتمنى ان تنال اعجابكم

يالله يـارب مـن ضاقـت عليـه الـدروب=رجله على غير مـا يطـرب لهـا ساقهـا
تعبت خطاها من الطرقه شمـال وجنـوب=لحق الحفـا فـي قدمهـا وانثنـى ساقهـا
استغفرك من خطا نفسي وعظـم الذنـوب=واجيرنـي مـن غـوى الدنيـا لعشاقهـا
مرور الايام من عمـري علـي محسـوب=حتى الثوانـي تفـوت وتطـوي اوراقهـا
وانا لياقربـت شمـس العصـر للغـروب=ابطى على نون عينـي ساعـة إشراقهـا
اسعى بدنياي مدري وش تجيـب الغيـوب=مثلي مثل نـاس غيـري تطـرد ارزاقهـا
من خوف يلحقني التقصير دون الوجـوب=اتعب على الطيبـه لـو غليـت اسواقهـا
بيض الصحايف من الأخطاء وبيض القلوب=تبقـا شهـادة وفـا لـو الزمـن عاقـهـا
مافيه مخلوق سالم مـن جميـع العيـوب=يامعـدل النـاس كيـف تعـدل اخلاقهـا