لا ...... لا.....لا تعاتبيني .....؟
لا تعاتبني
وقت العتب راح لا ترجع تعاتبني =مات الامل والبقى في راس وجداني
ماني مثل ما انت خابرني وتحسبني=عبدالعزيز الاول اصبح واحد ثاني
خلاص مات الهوى لاتهدم ولاتبني=تركتني لين جاء النسيان ناداني
العام ادور سبب منك يقربني=واليوم ادور سبب عشان تنساني
بعثرتني في هواك اليوم رتبني=نسيتني الناس شفني صرت وحداني
كان السهر في هواك اللي محببني=والحين حتى السهر يكبر على اجفاني
اجيك يمحيني عتابي ويكتبني=مافيه طاري عتب يمر ماجاني
وارجع وانا اقول : وش للجرح جايبني=ادري بجرحك ولا ادري وش وداني
عن صدق الاحلام جاء الواقع وكذبني=وعن فرح الايام جاء حبك وبكاني
مليت اشيل الامل والدمع يغلبني=واقول بكره يجي للشوق يلقاني
ويروح بكره واجي والوقت قالبني=وارجع على وحدتي واحزاني .. احزاني
بكيتك العمر كله يامعذبني=وش فيك ماتبكي الليله على شاني
كتبت ماهو عشان تقول عاجبني=مليت من جزله وصح الله لساني
انا وطن شعر لو شعري مغربني=كتبت اجمل جروحي لجل تقراني
خلاص لا تتعب وترجع تعاتبني=انا نسيتك دخيل جروحك انساني
(عبدالعزيزاليوسف)
ddfrad")
سيد الأستغفار :-
(اللهم أنت ربي لا إله إلاأنت,خلقتني وأنا عبدك ,
وأنا على عهدك ووعدك ماأستطعت,أعوذ بك من شر ماصنعت,
أبوء لك بنعمتك عليَ,
وأبوء لك بذنبي فأغفرلي, فإنه لا يغفر الذنوب إلاأنت)
آخر تعديل سيــف العرب يوم
03-24-2006 في 05:31 PM.
|