ليتك من أولها سمعت النصيحه = ماكنت في الغبات يومي بك الموج
قدمتها لك رمز ماهي صريحه = من حيث مايبغالها كثرة اهروج
ايام كان اقلوبنا مسترحيه = وكانت خواطرنا ميادين وفجوج
عشنا بها حب وموده صحيحه = ماهوب ود (ن) بالدعايات منسوج
ياصاحبي وضعك تدارك مطيحه = جنب طريق(ن) ماكعك منه منتوج
كان استمرت غفلتك صحت صيحه = صيحة يتم(ن) من هله صاح مفلوج
فوق الجسد حمى وكبدي جريحه = جسمي وقلبي بين نيران وثلوج
كتم الهوى هذي مواري طريحه = يمسي سليم ويصبح الصبح مرجوج
نضحك ودنيانا علينا شحيحه = وننظر لها نظرة مساكين ونهوج
عقب المسرة والحياة المريحه = جات الليالي المقبله كلها عوج
ياماحلا شوف الفجاج الفسيحه = ياليتني فيها مقيم ولا أموج
من حيث مانبت النفل هب ريحه = كنه بطيب المسك والعود ممزوج