أحبك كثر ماطارت تحت شمـس الزمـان طيـور= أحبك كثر ماشـال السحـاب المـاء وفـرط بـه
أحبك كثر ماضاقت من أسباب الفـراق صـدور= أحبك كثر مامـرت علـى شفـاه البشـر كذبـة
أحبك كثـر مايمسـي يتيـم وخاطـره مكسـور= أحبك كثر مافي الناس .. نـاس ظروفهـا صعبـة
أحبـك كثـر ماتنقـال هالكلمـة بـدون شعـور= أحبـك كثـر ماتطـري بنفـس الآدمـي رغبـة !
أحبك كثـر ماضـاق المكـان بواحـد ٍ مقهـور= أحبك كثـر مافـي دنيـة البحـار مـن غربـة
أحبك كثر مايجلس على كتف الشجـر عصفـور= أحبك كثر مايشتاق حضن .. لحضن مـن حبّـه
أحبك كثر ماضاعت حروف ٍ في حكـي مبهـور = أحبـك كثـر ماتعبـث يديـن الطفـل باللعـبـة
أحبك كثر مـاردد حكيـم .. إن الزمـان يـدور= أحبك كلمة ٍ لـك قالهـا صـادق .. ومـن قلبـه
أحبك وادري إني قاسي وظالم .. غريب الطـور= بلحظه ممكن أقلبهـا علـى راسـك بـلا سبـه
أغيب وكنـي الفرقـا واصـد وكـن مالـك دور = أنانـي لحظـة عنـادي ولاتنفـع معـي طلبـه
أعود ّ لك وأنا خجلان شايـل شوقـي المغـرور= ألقى أحلـى ابتسامـه تنتظـر بشفاتـك العذبـة
عتابك لي بلحظات الغضب والنرفزه ..( مشكور ) = ألا ياسعْد من مثلـي رمـاك الحـظ فـي دربـه
أقول آسف .. تقول اسكت .. ومثلك لاخطا معذور = وتغرقنـي بعطفـك ليـن ينسـى خافقـي ذنبـه
بعد هذا حروفي لو تبـي تكتبـك صـارت نـور= وانا فيـك القصيـد ألقـاه .. يابعـده وياقربـه
لكن ذي وثيقة حـب ..أسطّرهـا وأنـا مجبـور= أبثبت لك حقوقـك فـي خفـوق ٍ مشغلـه ربـه
أحبك واعترف لو فـي يـدي مابدّلـك بالحـور= في عمري لقيتـك طيـر غـرد سابـق ٍ سربـه
أحبك كثر ماطارت تحت شمـس الزمـان طيـور= أحبك كثر ماشـال السحـاب المـاء وفـرط بـه
