شامت وانا صديت عنها وباشـوم=ريميـة هـب النسيـم وذعرهـا
ماترتع إلا في حجـا كـل مزمـوم=عـذاب قنـاص خذاهـا بثـرهـا
وإن شافها قناصها في السنة يـوم=ضاعت أعلومه وأخلفته بحذرهـا
بنت الجمال اللي عداها عن اللـوم=ربٍ خلقها مـن البهـا ماقصرهـا
تظفي جديل فوق الامتـان ملمـوم=والموت لاهلـت جدايـل شعرهـا
ليل يغطي ساطع انجومـه اغيـوم=ويشع من بين السحايـب قمرهـا
كن القمر فوق الحجاجين مرسـوم=وفي خدها الصافي وصفحة نحرها
وعينٍ هدبها ينقل ارماح وسهـوم=لا صوب اقلوب النشامـا سحرهـا
جمالها في البيض نـادر ومعـدوم=سحر الجمال اللي يطرى غمرهـا
حديثها يشبـه لعـذب ام كلثـوم=يدخل ديار أهل الهـوى ويعمرهـا
تأخذ وتعطي راعي السلم بسلـوم=إلا يـلا كثـر الكـلام يعسـرهـا
رميتها وأخطيت والأمـر مقسـوم=وأزريت والحظ انعثـر ماعثرهـا
قناص والقناص معطى ومحـروم=وأكثر مايخطي راعي الصيد لا أرها