صوتك لفاني تالي الليل صدفه = صدفة غلاء عندي تساوي ملايين
هليتت بك والرمش ماأهتز طرفه = قلتي السلام وقلت يامرحبا الفين
أهلا هلا باللي سحرني بلطفه = نبرات صوتك رجعت عمري سنين
حسيت في قلبي من الشوق رجفه= ومن الوله والشوق مانامت العين
وفجأه رحلتي وأنتظرتك بلهفه= وقلت أتصبر يمكن انك تعودين
مرت سنه والجرح ماكف نزفه= لاعاد لي صوتك ولاأدري رحل وين
قمت أتوجد وأعطي الناس وصفه= وأسال عنه بدروب كل المجبين
ياللي ملكت القلب وأحرقت نصفه= وجرحت نصفه وأصبح الجرح حرحين
جردت قلبك من حنانه وعطفه = وأصبحت محروم من العطف واللين
راجع ضميرك وأمنح العمر وقفه = وقفة غلاء عندي تساوي ملايين