خمس السنين اللي مضت واستباحت =طعن القلوب وجرحها اللي نسيتيـه
كل يوم تطعن خافقي ما استراحـت =مسكين قلبي ما لقـى مـن يعزيـه
حتى الثواني تكتب بحزن((راحت)) =وضاع عمري لاجل وهمك وطاريـه
احلى الاماني اكملـت ثـم طاحـت =وانهـد حلـمٍ كـم تعبنـا نعلـيـه
خمس السنين اللي مضت ثم فاحـت =منها الخيانـه والغـدر والمشاريـه
منها ضلوعـي يالحبيبـه تناحـت =وانحل جسمي لاجل جرحٍ اباريـه
واصبح سؤالي وينها؟وين راحـت؟ =ومـن خذاهـا للرحيـل وموانيـه
حتى المشاعرمابقى شـي باحـت! =فرقـاك ابرتهـا وغـدرك اعانيـه
خمس السنين اللي مضت ثم لاحـت =بانوار حبك واللقـا مـع طواريـه
تطعن وتطعن خافقـي ماستراحـت =واليوم جيتي عقب عهـدٍ نقضتيـه
توك تجيني يـوم فرقـاك صاحـت =وعقب جرحٍ صرت انا اليوم ناسيه
حتى حروف اسمك من القلب طاحت =وطاح قدرك في عبارات((مابيـه))
باكر اذا نفسك مـن الهـم ناحـت =بتعرفين اللـي انـا كنـت اعانيـه
خمس السنين اللي مضت واستباحت =طعن القلوب وجرحها اللي نسيتيـه