صاحبي وش يضر الحال لا قالوا=كلمة الشين بيـن النـاس منقوله
خلهم يوم صاعوا البـر وأكتالوا=ما لقوا من حمـار البـر مفقوله
كل ما مالت الدنيا علـي مـا لوا=و كـل ميلـه بحيـل الله معدوله
أختبوا في ضلوعي ليـل وأغتالوا=قلب شاعر وطار السرب من حوله
لو يقولون فينـي للأسـف طالوا=من رمى الضلع ما يخطيه من هوله
أسمعوا ما يهـد الحيـل وأنهالوا=شاعرٍ مشلح القمـه علـى طوله
شاعرٍ ما يخول أشبـاه مـا خالوا=التميّـز ضـروريٍ علـى قـوله
لين ساق القصيد العذب مـا والوا=غير طاعت قصيده وأجمل فصوله
وساع ماأنشى قصيده راحوا تماولوا=فـي سحابـه..وبراقه..وهملوله
ليتهم يوم راحوا شرق مـا سالوا=حاسدٍ موّل الدعـوى علـى موله
صاحبي والجروح بقلبـي اتشالوا=جرح مهبول مـن كفيـن مهبوله
كان ما أحتلت وألا كان ما أحتالوا=ما أنت مسئول ولا الناس مسئوله
غلطتي .. يوم أصدق كل ما قالوا=كنت أصدقه لكن كنت ماأقوله