[poet font="Simplified Arabic,4,blue,normal,normal" bkcolor="transparent" bkimage="backgrounds/40.gif" border="ridge,10,darkred" type=2 line=200% align=center use=ex length=0 char="4" num="0,black" filter=""]
انا اللي تضحك احزانه بنى فوق النجوم قصور=اذا قالوا ترى غاليك بكره موعـد حضـوره
أصير من الفرح إنسان طار بداخله عصفـور=سجنه البعد في عشه وله جنحـان مكسـورة
هلابك يابحر عشق(ن) كبرفي داخلي مقهـور=هلا بك كثر ما نعشق نشوف الأرض ممطوره
هلا بك لا تصد عنا ترى بعض البعد محـذور=هلا بك كثر ما قلبي كتب اسمك علـى سـوره
لأنك صرتي لي غاية ملامح فرحتـي والنـور=لأنك ضحكة الدنيا إلـى ماجتنـي مسـرورة
خذتني فرحة اللقيا نسيت الباب وسط السـور=وهي مثلي نست اسمي تسمي البـاب سبـورة
قهراحلامنا تمضي على رجفة زمـن مسحـور=قهر اني اشوف الورد ينبت بارض مهجـوره
ولا تدمع صحاري الخوف إلا دمـي المهـدور=ولا يسكن بجـوف الارض إلا روح مغـرورة
زهر عمري ذبل كنه فراش (ن) لامس البلور=خدعه النور في حسنك وتـاه بعيـن بلـوره
وخيبة هقوتي جرح(ن) بكى من صرخته دكتور=تلعثم مشرطه بيده قطع مـن داخلـه صـوره
غصب عني هنا واقف لأني بالزمـن مجبـور=ولابيدي انا اختار بيـن اوضـاع محصـوره
فرضها واقع(ن) اعمى سكن في ماضيا مهجور=طريق(ن) سالكه ميّـت قبـل لاياصلـه دوره
وإذا جاني الأجل باكر اكون برحلتـي معـذور=انا شرعي قضية حب او ان الحـب دستـوره
[/poet]



[c]من إعجابي
اتمنى ان تعجبكم

المسكت [/c]