ياموتري ويش اوقفك عقب ماسرت= ماجاء خرابك غير حزة لزومي
الله يصيبك كلما زل لك صرت = يوم تطيح ونصف ساعه تقومي
ياما على شانك تكلفت وخسرت= عوفتني حتي بلذات نومي
فيك أتهندس كم ليالي قد اسهرت = ولا استفدت الا وصاخة هدومي
يالتني قدام ماشريك خــذرت = وصبر لواتعب في مسيري قدومي
اوليتني لوساعف الحظ خيرت = ماصرت من غاية مناي امحرومي
سيارة ما هيب جمس ولافرت = صحيح والله ماتجلي همومي
ياموتري ويش السبب في العهد برت= عطني علومك وخذ مني علومي
قال انت بالقول الدعايه على جرت = وتسبني وانت اتعرف ويش قومي
انت السبب والله مامثلك اخبرت = لولاك والله ماتردت اعزومي
اطير بطيارك واذا غرت بي غرت = ممشاك بي جاير وقلبك ظلومي
وشريتني برضاك ماظني اجبرت= زاودت فيني لين طيرت سومي
قلت القدر لك ساقني لين حضرت= والحظ عندك واقف لي بيومي