ياغايتي يانور عيني بدنياي = انتي رياض القلب وانتي ربيعه
يتشمس حبي ياقمر ليل ظلماي = حالي ومالي في يدينك وديعه
قدمت لك قلبي على كف يمناي = وارخصت لك في الحب نفس رفيعه
القرب يالمجمول قصدي ومعناي= جمعا الشمل طب القلوب الوجيعه
ابديت لك سري وبينت شكواي = وقلت الصبر يازين كيف استطيعه
لكن رفضت انك تشاركني الراي= ومن كلمتك ضاقت على الوسيعه
فيما مضى تبذل مساعيك لرضاي= واليوم ناوي بالجفاء والقطيعه