من بادي الوقت هذاطبع الأيامي=عذبات الأيام ماتمدي لياليها
حلو الليالي توارى مثل الاحلامي=مخطور عني عجاج الوقت يخفيها
أسري مع الهاجس اللي مابعد نامي=واصور الماضي لنفسي واسليها
أخالف العمر اراجع سالف اعوامي= وانوخ ركاب فكري عند داعيها
تدفى علىجال ضوه بارد عظامي= والما يسوق بمعاليقي ويرويها
إلى صفا لك زمانك عل ياظامي=اشرب قبل لا يحوس الطين صافيها
الوقت لوزان لك ياصاح مادامي=ياسرع ماتعترض دربك بلاويها
حتى وليفك ولو هيم بك هيامي=سيور الايام تجنح به عواديها